Главная >> Эзотерика >> Христианство >> Тропари и кондаки двунадесятых праздников

Тропари и кондаки двунадесятых праздников

В духовной жизни православных христиан двунадесятые праздники имеют особое значение. Весь верующий народ и Православная Церковь переживает величие этих праздничных событий, всю их полноту как в богослужебной жизни Церкви, так и в повседневной жизни каждого верующего христианина. Это в полной мере отражается на основе духовной жизни христиан – входит в состав келейного молитвенного правила.

Тропари двунадесятых праздников включены в утренние и вечерние молитвы. Очень часто молитвы перед трапезой заменяются тропарями. Православные тропари праздников читаются в составе Правила к Святому Причастию. Двунадесятыми праздниками принято считать двенадцать великих праздников годового богослужебного круга – Рождество Богородицы, Воздвижение Креста Господня, Введение во храм Пресвятой Богородицы, Рождество Христово, Крещение, Сретение Господне, Благовещение Пресвятой Богородицы, Вход Господень в Иерусалим, Вознесение, Троица, Преображение Господне, Успение Богородицы. Эти праздники сопровождаются на торжественных богослужениях исполнением тропарей двунадесятых праздников, отличающихся своим особым торжеством и лиричностью.

Значение тропарей двунадесятых праздников

Великие двунадесятые праздники уступают по своей значимости только Светлому Воскресению Христовому. Все двунадесятые праздники подразделяются Православной Церковью на великие, средние и малые и имеют символическое значение. Богослужения великих праздников насыщены песнопениями, которые отражают высоты богословия, святой опыт угодников Божьих, учат истинной молитве, приближающей верующих христиан к Богу.

Песнопения тропарей двунадесятых праздников – это беседа с Господом и всеми святыми, почитаемыми Святой Церковью. Если молитва искренняя и произносится от души, то все молитвенные прошения верующих будут услышаны и исполнены.

Тропари и кондаки двунадесятых праздников дают возможность каждому верующему человеку насладиться общением с Господом, приобщиться к опыту молитвы, возрастившей в Церкви Христовой множество святых угодников.

90% проблем человека происходит из-за отсутствия удачи, и как следствие денег и счастья. Чтобы отменить посыл о бедности, нужен сильный энергетический заряд. Денежный Ритуал позволит найти постоянный источник дохода исполнить мечту, для этого нужно взять… Читать далее…

Тексты тропарей и кондаков к двунадесятым праздникам

ТРОПАРЬ Рождеству Пресвятой Богородицы

Предпразднству, глас 4:

От корене Иессеева и от чресл Давидовых, Богоотроковица Мариам раждается днесь нам: радостию бо радуются всяческая и обновляются. Срадуйтеся купно, небо и земля, восхвалите Ю отечествия языков. Иоаким веселится и Анна торжествует, зовущи: неплоды раждает Богородицу, и Питательницу Жизни нашея.

Празднику, глас 4:

Рождество Твое, Богородице Дево, радость возвести всей вселенней: из Тебе бо возсия Солнце правды Христос Бог наш, и разрушив клятву, даде благословение, и упразднив смерть, дарова нам живот вечный.

Величание:

Величаем Тя, Пресвятая Дево, и чтем святых твоих родителей, и всеславное славим Рождество Твое.

Кондак, глас 4:

Иоаким и Анна поношения безчадства,и Адам и Ева от тли смертныя свободистася, Пречистая,во святем рождестве Твоем.То празднуют и людие Твои,вины прегрешений избавльшеся,внегда звати Ти:\ неплоды раждает Богородицу и питательницу жизни нашея.

ТРОПАРЬ Воздвижению Креста Господня

Предпразднству, глас 4:

Животворящий Крест Твоея благости, Егоже даровал еси нам недостойным Господи, Тебе приносим в молитву, спаси люди и град Твой молящийся, Богородицею, Едине Человеколюбче.

Празднику, глас 1:

Спаси, Господи, люди Твоя и благослови достояние Твое, победы православным христианом на сопротивныя даруя и Твое сохраняя Крестом Твоим жительство.

Величание:

Величаем Тя, Живодавче Христе, и чтем Крест Твой Святый, имже нас спасл еси от работы вражия.

Кондак, глас 4:

Вознесыйся на Крест волею,тезоименитому Твоему новому жительству,щедроты Твоя даруй, Христе Боже,возвесели нас силою Твоею,победы дая нам на сопостаты,пособие имущим Твое оружие мира,\ непобедимую победу.

ТРОПАРЬ Введению во храм Пресвятой Богородицы

Предпразднству, глас 4:

Радость предобручает всем Анна ныне, печали сопротивный плод прозябши, едину Приснодеву, Юже и приводит, молитвы исполняющи, днесь веселящися, в храм Господень, яко сущий храм Бога Слова и Матерь чистую.

Празднику, глас 4:

Днесь благоволения Божия предображение, и человеков спасения проповедание, в храме Божии ясно Дева является, и Христа всем предвозвещает. Той и мы велегласно возопиим: радуйся смотрения Зиждителева исполнение.

Величание:

Величаем Тя, Пресвятая Дево, /Богоизбранная Отроковице, и чтем еже в храм Господень вхождение Твое.

Кондак, глас 4:

Пречистый Храм Спасов,многоценный Чертог и Дева,священное Сокровище славы Божия,днесь вводится в дом Господень, благодать совводящи,яже в Дусе Божественном,Юже воспевают Ангели Божии:\ Сия есть селение небесное.

ТРОПАРЬ Рождеству Христову

Предпразднству, глас 4:

Готовися, Вифлееме, отверзися всем, Едеме, красуйся, Евфрафо, яко древо живота в вертепе процвете от Девы: рай бо Оноя чрево явися мысленный, в немже Божественный сад, от негоже ядше, живи будем, не якоже Адам умрем. Христос раждается прежде падший возставити образ.

Предпразднству (Навечерие), глас 4:

Написовашеся иногда со старцем Иосифом, яко от семене Давидова, в Вифлееме Мариам, чревоносящи безсеменное Рождение. Наста же время рождества, и место ни единоже бе обиталищу, но, якоже красная палата, вертеп Царице показашеся. Христос раждается прежде падший воскресити образ.

Празднику, глас 4:

Рождество Твое, Христе Боже наш, возсия мирови свет разума: в нем бо звездам служащий, звездою учахуся, Тебе кланятися Солнцу правды, и Тебе ведети с высоты Востока: Господи, слава Тебе.

Величание:

Величаем Тя, Живодавче Христе, нас ради ныне плотию Рождшагося от Безневестныя и Пречистыя Девы Марии.

Кондак, глас 3:

Дева днесь Пресущественнаго раждает,и земля вертеп Неприступному приносит,Ангели с пастырьми славословят,волсви же со звездою путешествуют:\ нас бо ради родися отроча младо, Превечный Бог.

ТРОПАРЬ Крещению Господню

Предпразднству, глас 4:

Готовися, Завулоне, и красуйся, Неффалиме, Иордане реко, стани, подыми, взыграя, креститися грядуща Владыку. Веселися, Адаме с праматерию, не крыита себе, якоже в рай прежде, ибо, наги видев вы, явися, да облечет в первую одежду: Христос явися, всю тварь хотя обновити.

Предпразднству (Навечерие), глас 4:

Возвращашеся иногда Иордан река милотию Елиссеевою, вознесшуся Илий, и разделяхуся воды сюду и сюду и бысть ему сух путь, иже мокрый, во образ воистинну Крещения, имже мы текущее жития преходим шествие: Христос явися во Иордане освятити воды.

Празднику, глас 1:

Во Иордане крещающуся Тебе, Господи, троическое явися поклонение, Родителев бо глас свидетельствоваше Тебе, возлюбленного Тя Сына именуя, и Дух в виде голубине, извествоваше словесе утверждение. Явлейся Христе Боже, и мир просвещей, слава Тебе.

Величание:

Величаем Тя, Живодавче Христе, нас ради ныне плотию Крестившагося от Иоанна в водах Иорданских.

Кондак, глас 4:

Явился еси днесь вселенней,и свет Твой, Господи, знаменася на нас,в разуме поющих Тя:пришел еси, и явился еси,\ свет неприступный.

ТРОПАРЬ Сретению Господню

Предпразднству, глас 1:

Небесный лик Небесных Ангел, приник на землю, пришедше зрит яко Младенца, носима к храму. Перворожденна всея твари от Матере Неискусомужныя, предпразднственную убо с нами поют песнь, радующеся.

Празднику, глас 1:

Радуйся, Благодатная Богородице Дево, из Тебе бо возсия Солнце правды, Христос Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующаго нам воскресение.

Величание:

Величаем Тя, Живодавче Христе, и чтем, Пречистую Матерь Твою, Еюже по закону ныне принеслся еси в храм Господень.

Кондак, глас 1:

Утробу Девичу освятивый рождеством Твоим,и руце Симеоне благословивый,якоже подобаше, предварив,и ныне спасл еси нас Христе Боже,но умири во бранех жительство,\ едине Человеколюбче.

ТРОПАРЬ Благовещению Пресвятой Богородицы

Предпразднству, глас 4:

Днесь всемирныя радости начатки предпразднственное воспети повелевают:/се бо Гавриил приходит, Деве нося благовестие, и к Ней вопиет: радуйся, Благодатная, Господь с Тобою.

Празднику, глас 4:

Днесь спасения нашего главизна, и еже от века таинства явление, Сын Божий, Сын Девы бывает, и Гавриил благодать благовествует, тем же и мы с ним Богородице возопиим: радуйся, Благодатная, Господь с Тобою.

Величание:

Архангельский глас вопием Ти, Чистая: Радуйся, Благодатная, Господь с Тобою.

Кондак, глас 8:

Взбранной воеводе победительная,яко избавльшеся от злых,благодарственная восписуем Ти раби Твои, Богородице,но яко имущая державу непобедимую,от всяких нас бед свободи, да зовем Ти:\ радуйся, Невесто Неневестная.

ТРОПАРЬ Входу Господню в Иерусалим, глас 1:

Общее воскресение прежде Твоея страсти уверяя из мертвых воздвигл еси Лазаря, Христе Боже. Темже и мы, яко отроцы победы знамения носяще, Тебе Победителю смерти вопием: осанна в вышних, благословен Грядый во имя Господне.

Величание:

Величаем Тя, Живодавче Христе, Осанна в вышних и мы Тебе вопием Благословен Грядый во Имя Господне.

Ин тропарь, глас 4:

Спогребшеся Тебе крещением, Христе Боже наш,безсмертныя жизни сподобихомся воскресением Твоим,и воспевающе зовем:осанна в вышних,\ благословен Грядый во Имя Господне.

Кондак, глас 6-й:

На престоле на небеси,на жребяти на земли носимый, Христе Боже,Ангелов хваление и детей воспеваниеприял еси зовущих Ти:\ благословен еси, грядый Адама воззвати.

ТРОПАРЬ Вознесению Господню, глас 4:

Вознеслся еси во славе, Христе Боже наш, радость сотворивый учеником обетованием Святаго Духа, извещенным им бывшим благословением, яко Ты еси Сын Божий, Избавитель мира.

Величание:

Величаем Тя, Живодавче Христе, и почитаем Еже на небеса, с Пречистою Твоею плотию, Божественное Вознесение.

Кондак, глас 6:

Еже о нас исполнив смотрение,и яже на земли соединив небесным,вознеслся еси во славе, Христе Боже наш,никакоже отлучаяся,но пребывая неотступный,и вопия любящим Тя:\ Аз есмь с вами и никтоже на вы.

ТРОПАРЬ В Неделю Пятидесятницы (День Святой Троицы), глас 8:

Благословен еси, Христе Боже наш, Иже премудры ловцы явлей, низпослав им Духа Святаго, и теми уловлей вселенную, Человеколюбче, слава Тебе.

Величание:

Величаем Тя, Живодавче Христе и чтем Всесвятаго Духа Твоего, Егоже от Отца, послал еси божественным учеником Твоим.

Кондак, глас 8:

Егда снизшед языки слия,разделяше языки Вышний,егда же огненныя языки раздаяше,в соединение вся призва; и согласно славим Всесвятаго Духа.

ТРОПАРЬ Преображению Господню

Предпразднству, глас 4:

Христово преображение предусрящем, светло торжествующе предпразднственная, вернии, и возопиим: приспе день Божественнаго веселия: восходит на гору Фаворскую Владыка, Божества Своего облистати красоту.

Празднику, глас 7:

Преобразился еси на горе, Христе Боже, показавый учеником Твоим славу Твою, якоже можаху: да возсияет и нам грешным свет Твой присносущный, молитвами Богородицы, Светодавче, слава Тебе.

Величание:

Величаем Тя, Живодавче Христе, и почитаем пречистыя плоти Твоея преславное Преображение.

Кондак, глас 7:

На горе преобразился еси,и якоже вмещаху ученицы Твоиславу Твою, Христе Боже, видеша:да егда Тя узрят распинаема,страдание убо уразумеют вольное,мирови же проповедят, яко Ты еси воистинну Отчее сияние.

ТРОПАРЬ Успению Пресвятой Богородицы

Предпразднству, глас 4:

Людие, предыграйте, руками плещуще верно, и любовию соберитеся, днесь радующеся и светло восклицающе вси веселием: Божия бо Мати имать от земных к Вышним прейти славно, Юже песньми присно яко Богородицу славим.

Празднику, глас 1:

В рождестве девство сохранила еси, во успении мира не оставила еси, Богородице: преставилася еси к животу, Мати сущи Живота, и молитвами Твоими избавляеши от смерти души наша.

Величание:

Величаем Тя, Пренепорочная Мати Христа Бога нашего, и всеславное славим Успение Твое.

Кондак, глас 2:

В молитвах неусыпающую Богородицу,и в предстательствах непреложное упование, гроб и умерщвление не удержаста:якоже бо Живота Матерь,к животу престави,\ во утробу Вселивыйся Приснодевственную.


Оставить комментарий

Ваш email нигде не будет показанОбязательные для заполнения поля помечены *