Икона святой мученицы Людмилы, княгини Чешская

Святая мученица Людмила, княгиня Чехии, считается покровительницей матерей, бабушек и христианских учителей. Имя Людмила обозначает – милая людям. Это славное святое имя носят у нас в стране огромное количество женщин. А вот на родине святой, в Чехии, ее имя почти забыто.

Многие женщины в России видят в святой Людмиле небесную покровительницу.

Молитва иконе Святой Людмилы Чешской

Икона Святой мученицы Людмилы помогает предотвратить разлад в семье, защищает от злого умысла. Пред святым образом ее молятся о благополучии младших членов семьи, детей, внуков, дабы они не пострадали от греха, встали на путь истинного христианина. Если в семье уже назрел конфликт, молитва, обращенная к иконе св блаженной Людмилы, помирит родственников. Женщина с именем святой, которая решить обратиться за помощью к иконе небесной заступницы, обязательно решит житейские проблемы и разного рода неприятности.

Икона святой великомученицы свт Людмилы

Святая мученица Людмила была дочерью князя из Сербии. Впоследствии ее выдали замуж за князя Чешского Боривоя. Тогда народ Чехии еще не принимал крещения. Боривой, как и его супруга, были язычниками. Затем супруги приняли Святое крещение, уверовали во Христа. Стали строить церкви, приглашать священников для проведения богослужений. Святая Людмила чудотворная  икона которой сегодня так почитаема среди российских женщин, рано овдовела. Боривой скончался в возрасте 36 лет. Людмила осталась без мужа, но продолжала вести столь же благочестивую жизнь как раньше. Имущество свое раздавала нуждающимся, продолжала жить в заботах о церкви, печаль свою переносила с полной преданностью воле Божией. Когда Святой Людмиле был шестьдесят один год от роду, она мученически пострадала. Произошло все это в первом часу ночи, в субботу. Погребена была Святая великомученица Людмила под городскою стеной, и Бог прославил место погребения ее.  Когда слепой дотронулся до земли с могилы святой Людмилы, он прозрел. Каждую ночь над этим местом люди могли созерцать горящие свечи.

Узнав о столь чудесных знамениях, Вячеслав, внук ее, перенес святые мощи в Прагу и положил их там в церкви Святого Георгия, где и поныне они источают немало знамений и чудес.

Православная церковь отмечает день памяти святой мученицы 16/ 29 сентября.

В каких храмах России есть икона православной святой Людмилы

У нас в России памятник и икона мученице Людмиле есть в Москве на Подворье Православной Церкви и Словакии в Котельниках, в храме Святителя Николая. В эту церковь каждый год привозят ко Дню памяти частицу мощей святой Людмилы Чешской. Можно помолиться перед иконой православной Людмилы и в Барвихе, в церкви Вячеслава Чешского.

Читать текст православной молитвы святой Людмиле Чешской

О, святая угоднице Христова, мученице княгиня Людмило, первоугоднице чешския страны и стольнаго града Праги украшение, теплая о нас пред Богом молитвеннице, се мы, многогрешнии, смиренно припадая, молим тя, не попусти нам погибнути в тине грехов наших, но вознеси о нас моление. О, преблагая мати Людмило, не забуди присещати чад твоих, аще бо и преставилася еси от нас в небесныя обители. Вкупе же и со святым мучеником и внуком твоим Вячеславом, егда подрасте отрок Вячеслав, отец его, твой же сын, по обычаю того времени испроси епископа и иереев со всем причтом церковным призвати на него благословение Божие. Епископ, отслужив в церкви Пресвятыя Богородицы и постави отрока на ступени храма, и благослови его тако: Господи Боже Иисусе Христе, благослови сего отрока, якоже благословил еси праведных Твоих, Авраама, Исаака и Иакова, и венчай его, якоже венчал еси правоверных царей, равноапостольных Константина и Елену. Тако же и ты, святая праматерь его, испроси и нам, грешным, Божие благословение на чада наша, и на всех нас, да и мы многогрешнии, возблагодарим Господа за подаяние Его благодати. Да купно с тобою прославим Отца и Сына и Святаго Духа и твое великое заступление о нас во веки веков. Аминь.

Слушать на видео акафист святой мученице княгине Людмиле Чешской

Читать Акафист свт мчн княгине Людмиле Чешской

Кондак 1

Избранная Богом от иновернаго языческаго рода Чешскаго, призванная в язык свят, служительнице новыя благодати святая всехвальная мученице Христова Людмило, во страдании твоем мученический венец приявшая от руки Вседержителя нетленный, и со Ангелы ныне предстоя Его престолу, песньми восхваляем тя любовию, угоднице Христова, молимтися, яже молитвами твоими от вечных мук, бед и скорбей свобождай ны, зовущия: Радуйся, блаженная княгине Людмило, святая мученице и молитвеннице о душах наших.

Икос 1
Ангелов сожительнице и человеков заступнице воистину явилася еси, мученице Людмило достохвальная, благоволением всех Творца Христа Бога именуемая, Егоже возлюбила еси и за Негоже пострадала еси даже до смерти, во исповедании непоколебимем, темже приими от нас сия хваления:

Радуйся, скорби многия за Имя Господне приявшая;

радуйся, венцом исповедническим от Бога украшенная.

Радуйся, мучеников совсельнице;

радуйся, веры христианския небоязненная проповеднице.

Радуйся, тленное богатство свое раздаяше нишим;

радуйся, за еже нетленное обретшая на небеси.

Радуйся, душу свою Христа ради погубившая, воеже спасти ю;

радуйся, аки светило, во тьме нечестия преславно возсиявшая.

Радуйся, блаженная княгине Людмило, святая мученице и молитвеннице о душах наших.

Кондак 2
Видя Христос Господь душу твою, ко приятию семени слова Божия чистотою и милостынею предуготованную, светом познания Своего просвети тя, блаженная Людмило, твоими добродетельми благоутробно спасаемых части сотвори тя общницу в Небесном Царствии, идеже со Ангелы поеши Пресвятей Троице песнь: Аллилуиа.

Икос 2
Разум Богопросвещенный даровася тебе, святая мученице Людмило, имже ясно проразумела еси тщету ушепагубную зловерия невестки своей, хотящей погубити тя. Ты же ведящи сие, удалившись во град Течин, укрытися спасения ради души твоея, Христа же взыскати потщалася еси вседушно. Темже взываем ти:

Радуйся, блаженная последовательнице Христова;

радуйся, любительнице заповедей Его приискренняя.

Радуйся, всемогущую силу благодати Христовой познавшая;

радуйся, лютаго демонскаго рабства избегшая.

Радуйся, богатство земное ни во чтоже вменившая;

радуйся, от юности идолослужение презревшая.

Радуйся, руками убогих сокровища твоя горе предпославшая;

радуйся, идолослужительныя люди к истинному Богу призвавшая.

Радуйся, блаженная княгине Людмило, святая мученице и молитвеннице о душах наших.

Кондак 3
Сила благодати Божией осени тя, блаженная Людмило, егда приясте святое крещение со супругом твоим Боривоем, князем чешским, во имя Отца и Сына и Святаго Духа. Тояже сила Божия осени тя ко благочестию и научи тя славити Единаго Бога и воспевати Ему: Аллилуиа.

Икос 3
Имея неоскудное милосердие ко всякому Человеку, но и более к присным, святая блаженная княгине Людмило, ты, в страсе Божием воспитывая чада твоя, явилася еси доброй праматерью внука твоего, святаго князя Вячеслава, воспита его в благочестии: помози и нам, мученице Христова, прейти сие земное поприще во благом делании, да величаем тя звании сими:

Радуйся, блаженная мати Людмило, мученице Христова;

радуйся, понесшая вдовство твое благочестно и преславно.

Радуйся, после смерти князя, супруга твоего, с полною преданностию воле Божией предавшаяся;

радуйся, и нам помощнице явися в скорбех наших.

Радуйся, и в нуждах наших обратитися к Богу нас научающая;

радуйся, внука своего святаго князя Вячеслава в истинах веры воспитавшая.

Радуйся, яко и он приял мученическую кончину якоже и ты, праматерь его;

радуйся, яко тебе за сие уготовано сокровище вечных благ.

Радуйся, блаженная княгине Людмило, святая мученице и молитвеннице о душах наших.

Кондак 4
Бурею одержима помышлений злобных, нечестивая невестка твоя смятеся зело, увидев тя верную быти рабу Христову, в вере и благочестии просвещающую страну Чешскую и низлагающую идольския храмы и созидающую славословити Трисвятое имя Божие и пети хвалебную песнь Тому: Аллилуиа.

Икос 4
Слышавши от святаго равноапостольнаго Мефодия, Архиепископа Моравийскаго, слово о чистоте, посте, молитве и о всех добродетелях, христианам подобающих, прияла еси в сердце свое, и за сии добродетели твои возлюби тя Господь и даде ти крепость и силу. Темже и нас научи, блаженная Людмило, заповеди Господни исполняти и тебе величати:

Радуйся, усердная слушательнице словес Божественных;

радуйся, ревностная исполнительнице закона Христова.

Радуйся, ниву сердца твоего очистившая от терния душевредных страстей;

радуйся, оросившая ю слезами покаяния.

Радуйся, вдовственную твою чистоту непорочно сохранившая;

радуйся, воздержанием, молитвою и мученическим подвигом Богу угодившая.

Радуйся, страданием сочетавшаяся Христу, ради нашего спасения от бед и скорбей, веру и любовь к тебе имущих.

Радуйся, блаженная княгине Людмило, святая мученице и молитвеннице о душах наших.

Кондак 5
Боготечною звездою явилася еси святая княгине, мученице Людмило, егда, боготканною одеждою святаго крещения облекшеся и нетленною пищею пречистаго Тела и Крови Христовы духовно укрепльшеся, прилепилася еси всем сердцем твоим ко Единому Иисусу: темже вся страна Чешская, просвещенная тобою едиными усты поет Богу: Аллилуиа.

Икос 5
Видевши, святая блаженная княгине Людмило вся люди земли Чешския во тьме идолослужения погруженныя, усердно потщися еси просветити тех светом Христовой веры, и в создании храмов Божиих, и в укреплении веры православной в стране Чешской, и заповеда нам воспевати и величати тя тако:

Радуйся, яко тобою просветися страна языческая;

радуйся, мудрыми твоими глаголы поучавшая люди оставити тьму языческого нечестия.

Радуйся, яко от Бога токмо, а не от человек, утешение в скорбех искати и нас научающая;

радуйся, и внука твоего Вячеслава, якоже Ольга Владимира, научившая поклонятися единому и истинному Богу.

Радуйся, ум твой горе имевшая;

радуйся, сердце твое жилище Святаго Духа соделавшая.

Радуйся, Христу Богу человеколюбцу всю себя предавшая;

радуйся, первая от земли Чешския к лику святых причтенная.

Радуйся, блаженная княгине Людмило, святая мученице и молитвеннице о душах наших.

Кондак 6
Проповедникам духоносным Апостолом подражавши, блаженная Людмило славная княгиня, твоими слезными молитвами оросила и облагоухала еси вся грады и веси близлежащия града Праги, приводящи елико мощно те люди к вере Христовой и поучающи их воспевати Единому в Троице славимому Богу: Аллилуиа.

Икос 6
Возсияла еси паче солнца добродетельми твоими во граде Праге, и была еси материю княгинею для возлюбленных чад Церкви Православной, милосердная и досточудная угоднице Христова блаженная мати Людмило, сердце же свое на прошение и нужды приходящих к тебе милостиво открывала еси. Приими и нас, добрая мати, с любовию к тебе прибегающих и вопиющих сице:

Радуйся, яко сиротам и вдовицам ты еси была мать и питательнице;

радуйся, и нищим ты еси была милостивая подательнице и обидимых благая защитнице.

Радуйся, со князем супругом твоим в благочестии пожившая;

радуйся, и чада твоя в страхе Божием воспитавшая.

Радуйся, яко от корене твоего честнаго святый князь Вячеслав восприя мученическую кончину от брата своего;

радуйся, яко и той с праматерию своею вселися в Царствие Небесное.

Радуйся, яко ты еси за всех христиан пред престолом Божиим верная молитвеннице;

радуйся, яко ты еси ищущим пути ко спасению наставнице благодатная.

Радуйся, блаженная княгине Людмило, святая мученице и молитвеннице о душах наших.

Кондак 7
Коль многими бисеры и камением драгоценным украшен есть венец правды, паче солнца сияющаго образ святаго жития твоего, святая блаженная княгине Людмило, ибо подвиг доброго исповедания веры дарова ти Господь, сего ради и мы прибегаем под кров твой, ища спасения, и благодарно о тебе поем Богу: Аллилуиа.

Икос 7
Новое изобрете безчеловечие злочестивая невестка твоя Драгомира, егда ты бежала еси во град Течин, укрытися хотя от оныя, святая благоверная Людмило, она же, наученная сатанинскою силою, погубити душу твою хотяще позорною смертию, послаша вслед ти двух злочестивых боляр, предати тя на лютая страдания, аки агницу Христову, зависти ради. Тии же собраша множество нечестиваго народа, взломаша двери княжескаго дворца и позорной смерти – удавлению предаша непорочное тело твое. Мы же, воспоминающе страшную смерть твою, вопием ти сицевая:

Радуйся, блаженная Людмило, от злых боляр схваченная и вервием удавленная по выи твоей;

радуйся, яко таковым образом угодившая Богу, пострадавшая мученически.

Радуйся, яко случися сие в субботу во едином часе нощи;

радуйся, яко бе ти от рождения твоего шестьдесят и един год, Господом к мучению уготованная.

Радуйся, яко тобою дивен Бог, во святых Своих является;

радуйся, всем, носящим имя твое, скорая помощнице и молитвеннице.

Радуйся, градов Чешских похвало и утверждение;

радуйся, яко мощи твоя прослави Господь нетлением благодатно.

Радуйся, блаженная княгине Людмило, святая мученице и молитвеннице о душах наших.

Кондак 8
Яко укрытися не может град на верху горы стояй, тако и тебе, святая мученице Людмило, воздвижеся лютое страдание нечестивою невесткою, но по кончине твоей прослави Господь мощи твоя и место погребения твоего, иже под градскою стеною града Течина. Мы же тя, угодницу Божию, просим: буди нам ходатаица ко Господу о прощении грехов наших, и мы вкупе с тобою Великому и Чудному Богу воспоим: Аллилуиа.

Икос 8
Вся была еси объята неизреченною радостию, блаженная мати Людмило, яко зриши обратившияся крещаемыя люди твоя, повелением Ангелов и во умилении сердца воздала еси хвалу Спасителю Богу, усердно молила Его, да призрит на обратившияся люди Своя, и да утвердит их в вере и в благочестии и да прославит имя Свое в стране Чешской. Мы же воспоминающе убо прерадостное сих событие, приносим ти благодарственная и похвальныя песни сия:

Радуйся, неоскудеваемый источниче милостей к народу сему;

радуйся, духовная наша мати, испросившая у Бога просвещение праотцам нашим.

Радуйся, явлением на тя силы Божией христианы возрадовашася;

радуйся, именем Всесильнаго Господа и твоею к Нему молитвою вся идолы в стране Чешской сокрушившая.

Радуйся, мученице добрая;

радуйся, молитвеннице пред Богом чудная.

Радуйся, демонов коварствие Божественною силою упразднившая;

радуйся, победы венец от руки Христа Жизнодавца приемшая.

Радуйся, блаженная княгине Людмило, святая мученице и молитвеннице о душах наших.

Кондак 9
Во всех концех земли Чешской и за ея пределами славится великоименитое имя твое, преблагостная мученице мати Людмило! Имела бо еси духа премудрости, яко мудрыми словесы безумных обуила еси, духа страха Божия, яко выну деланьми богоугодными душу очистила еси. Темже представ Престолу Вышняго, с сонмом Ангелов купно воспеваеши Ему: Аллилуиа.

Икос 9
Ветии многовещаннии не могут достойно изобразити величие твоих благодеяний, дарованных тобою, святая мученице Людмило; в стране бо Чешской и иных странах идолопоклонста, водворила еси Божественную веру, и избавила еси их от мрака языческаго и вечныя погибели, открыла еси им путь ко истинному спасению. Сего ради с благодарением благочестно поем ти:

Радуйся, многия в духовном разуме просветившая;

радуйся, сердце твое на прошения и нужды приходящих к тебе открывала еси.

Радуйся, странники и нищия питала еси;

радуйся, яко с верою поклоняемся честной иконе твоей.

Радуйся, чтуще память твою и мы ныне восхваляем Господа;

радуйся, страданием твоим Церковь Христову украсившая.

Радуйся, взирая на страдания твоя, вернии прославляют ими Вышняго.

Радуйся, блаженная княгине Людмило, святая мученице и молитвеннице о душах наших.

Кондак 10
Спастися всем преискренне желая, молишися за ны горе у Престола Господня, избранница Христова, блаженная Людмило, якоже твоими молитвами пособствуеши нам в странствовании многотрудном земнаго жития, еже в покаянии и благочестии скончати, яко облече тя Господь Божественною силою, да обратиши вся неверныя и научиши всех со умилением сердец воспевати Творцу Богу: Аллилуиа.

Икос 10
Стена явилася еси стране твоей несокрушимая, богомудрая и необоримая защитнице всем призывающим тя, зане тако благоволи о тебе небеси и земли Творец Господь, прославляя угодницу Свою, и огради ю, яже при гробнице твоей совершашася знамения и чудесы, и изыде молва по всей стране, и понуди князя Вячеслава торжественно перенести нетленное тело твое из града Течина во град Прагу, в сооруженную его отцем церковь святаго великомученика Георгия. Мы же из глубины сердца с воздыханием к Богу глаголем ти, молитвеннице наша, песни таковыя:

Радуйся, молитвенница наша перед Богом теплая;

радуйся, яко изыде по всей стране вещание о чудесех твоих.

Радуйся, яко внука твоего, святаго князя Вячеслава, понуди принести торжественно, яко мученицы Христовой, тело твое;

радуйся, яко некий слепец прозре, еже прикоснуся земле с могилы твоея.

Радуйся, яко успение твое торжествует Православная Церковь;

радуйся, прославленная Богом на Небеси и на земли.

Радуйся, явлением мощей твоих младенческую Церковь Чешскую возвеселившая.

Радуйся, блаженная княгине Людмило, святая мученице и молитвеннице о душах наших.

Кондак 11
Пение умиленное приносим ти, угоднице Божия, и смиренно молим тя: моли о нас Единаго Человеколюбца Бога, да не отвратит Он от нас лица Своего, и дарует нам по молитве твоей, святая мученице Людмило, прощение многих наших согрешений, мы же, прославляя Бога о тебе, вопием: Аллилуиа.

Икос 11
Святоносным Троическим сиянием горе осиянная, святая мученице Людмило, озари наша сердца, тьмою греховною покровенная, да елеем благих дел возжегша угасшия светильники наша, сподобимся брачнаго чертога Христова, идеже ты веселишися со святыми и слышиши сия от нас благохваления:

Радуйся, предстояй ныне Агнцу Божию в лике мученическом;

Радуйся, яко и по преставлении твоем с нами пребывавши.

Радуйся, яко Христос по мучении твоем в чертог Свой тя всели;

Радуйся, яко особливая покровительница именуешися Чешскаго народа православнаго.

Радуйся, и о нас, сродних ти людех, присная пред Богом молитвеннице;

Радуйся, луна, просвещенная от незаходимаго Солнца Правды.

Радуйся, путеводительнице, правую стезю к вечному спасению нам показующая;

Радуйся, блаженная княгине Людмило, святая мученице и молитвеннице о душах наших.

Кондак 12
Благодать Пресвятаго Духа испроси нам, угоднице Христова, святая мученице Людмило, от Всещедраго Бога и Спаса нашего, вразумляющую и укрепляющую нас в деле спасения, да не безплодно будет в нас всеянное тобою семя святой веры, но да прозябнет и плод сотворит, имже возмощи нам питати души наша в будущей жизни, идеже вси святии воспевают Богу песнь: Аллилуиа.

Икос 12
Поюще твое преставление, ублажаем мученическую кончину, почитаем духовную память твою, святая мученице мати Людмило, яко многомощную молитвенницу не токмо земли Сербския и Чешския, но буди и нам, российским людем, благая молитвеннице ко Господу, да вопием ти:

Радуйся, благодатию Святаго Духа одеянная;

Радуйся, представшая Живущему во свете неприступнем.

Радуйся, вдовицам правило богоугоднаго жития;

Радуйся, теплая ходатаице, от Бога всем православным дарованная.

Радуйся, соучастнице на Небеси жребия праведников веры Христовой;

Радуйся, и со святыми слуги Его Трисвятую песнь воспевати сподобльшася.

Радуйся, от Господа всех благ нам, молящимся ти, подательнице;

Радуйся, яко всем православным христианом, имя твое молитвенно призывающим, на помощь скоро притекаеши.

Радуйся, блаженная княгине Людмило, святая мученице и молитвеннице о душах наших.

Кондак 13
О, святая мученице и верная угоднице Христова Людмило! Малое сие песнословие от нас приемля, моли милостиваго Бога нашего, да вселяется и благоухает в сердцах наших святыня православный веры, да умножается в житии нашем елей дел благих, да не угаснут светильники наши в полунощный час сретения Небеснаго Жениха, и да сподобимся купно с тобою выну воспевати Ему в вечном Царствии: Аллилуиа, Аллилуиа, Аллилуиа.

/Этот Кондак читать три раза. Затем читается Икос 1 и Кондак 1/

Смотреть на видео молебен святым Людмиле и Вячеславу Чешским