Главная >> Эзотерика >> Христианство >> Акафист Блаженной Матроне Московской

Акафист Блаженной Матроне Московской

При жизни Блаженная матушка Матрона завещала, что каждый попросивший ее помощи будет услышан и по вере своей получит то, что нужно душе его. Многие верующие стремятся поклонится ее мощам, а она в свою очередь никого не обделяет в покровительстве и защите. С верой прочитав акафист Матронушке люди замечают чудесные изменения в своей жизни. День памяти Святой Матрене празднуется второго мая.

Акафист Блаженной Матроне Московской представляет собой хвалебную песнь в честь Блаженной старицы Матрены. Читается вместе с общими молитвами, которые принято читать до и после любого акафиста. Тропарь Матроне Московской тоже является хвалебной песнью, но более краток в своем содержании. Желательно читать акафист Святой Матроне Московской перед её иконой.

Православный Акафист Матроне Московской

Существует масса свидетельств о чудотворных делах Блаженной матушки. Достаточно верить и она обязательно поможет. При жизни Святая Матрона принимала множество людей с разнообразными проблемами, а Господь дал ей благодать и после смерти творить добрые дела. В благодарность необходимо воздавать хвалу — читать акафист св Матроне Московской. Делается это потому, что Господа и Святых Угодников его нужно не только просить о чем-либо, но и прославлять. Тропарь Матроне Московской читается с той же целью и по тем же правилам, что и акафист.

Читать Акафист Святой Матроне нужно искренне и вдумчиво. Важно верить, что матушка Матрона слышит вас. При жизни она говорила, что каждому человеку воздаются по вере его. Следовательно, вера имеет огромное значение. При сильной нужде либо для того, чтобы получить исцеление от страшной болезни рекомендуется читать Акафист Матронушке в течении сорока дней. Многие думают, что акафист дома читать нельзя, а это не верно. Акафисты являются келейными молитвами и для домашнего чтения не требуют специального разрешения священника.

Тропарь святой Матроне Московской

В любой иконной лавке православной церкви можно приобрести молитвослов, в котором прописан  акафист Блаженной Матроне Московской, а также тропарь Матроне Московской. Тексты данных хвалебных песнопений широко распространены и на православных сайтах в интернете.

Текст акафиста Матроне Московской

Кондак №1

Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.

Икос №1

Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужиши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная.

Радуйся, благодатию Духа Святаго от пелен осененная.

Радуйся, даром чудес измлада обогащенная.

Радуйся, премудростию от Бога свыше исполненная.

Радуйся, мысленныма очима волю Божию прозирающая.

Радуйся, слепотствующих умом мудрецов века сего посрамляющая.

Радуйся, души заблуждшия к Богу приводящая.

Радуйся, скорби и печали утоляющая.

Радуйся, праведная мати Матроно, теплая о нас к Богу молитвеннице.

Кондак №2

Видяще людие и иерей, егда крещаше тя, блаженная, чудный столп облачный над главою твоею и обонявше благоухание велие, дивляхуся, что убо сия отроковица будет, поюще Богу: Аллилуиа.

Икос №2

Разум имея просвещенный, иерей Божий Василий позна, яко крещаемая от него сосуд благодати Божия есть, и тя, праведная Матроно, отроковицу святу нарече. От нашего же усердия приносим ти похвалы сия:

Радуйся, во святей купели благодатию Святаго Духа облагоуханная.

Радуйся, на персех твоих крест запечатленный имевшая.

Радуйся, молитвеннице, от Бога людем дарованная.

Радуйся, свеще неугасимая, пред Господем сияющая.

Радуйся, даром чудотворения от Бога прославленная на земли.

Радуйся, венцем неувядаемым от Господа увенчанная на небеси.

Радуйся, милости Божия грешным возвещающая.

Радуйся, от источника воды живыя жаждущия напаяющая.

Радуйся, праведная мати Матроно, теплая о нас к Богу молитвеннице.

Кондак №3

Силу Божия благодати ощущающи, еще во младенчестве сущи, Матроно блаженная, ко иконам святым устремлялася еси и чистым сердцем и младенческими усты хвалу Богу возглашала еси: Аллилуиа.

Икос №3

Имущи от Бога дар прозрения издетска, блаженная мати, сокровенная сердец приходящих к тебе ведущи, и оным будущая, яко настоящая сказующи, многия люди на путь благочестия направляла еси. Темже, прославляюще Бога, умдряющаго слепцы, вопием ти сице:

Радуйся, дивная провидице.

Радуйся, сокровенных грехов обличительнице.

Радуйся, помраченных душею пресветлая наставнице.

Радуйся, заблуждших милостивая путеводительнице.

Радуйся, звездо, верным путь указующая.

Радуйся, свеще, во тьме века сего светящая.

Радуйся, единому Богу послужившая.

Радуйся, козни диавольския благодатию Духа Святаго поправшая.

Радуйся, праведная мати Матроно, теплая о нас к Богу молитвеннице.

Кондак №4

Буря недоумения и смятения о чудесех твоих в людех развеяся, мати блаженная, и тии, вразумившу их Господу, дивному во святых Своих, прославиша и восхвалиша тя, Богу же с благодарением воспеша: Аллилуиа.

Икос №4

Слышавше людие, мати Матроно, яко помощь в недузех душевных и телесных подаеши, прихождаху к тебе со упованием и, совет благоприятен и исцеление получивше, благодаряще Бога, воспеваху ти:

Радуйся, яко болезнующих и страждующих душею приемлеши.

Радуйся, яко мир душам скорбящим даруеши.

Радуйся, в заблуждениих сущих вразумительнице.

Радуйся, благочестия учительнице.

Радуйся, печалей наших утолительнице.

Радуйся, в скорбех утешительнице.

Радуйся, благая безсребренице.

Радуйся, недугов всяческих безмездная врачевательнице.

Радуйся, праведная мати Матроно, теплая о нас к Богу молитвеннице.

Кондак №5

Боготечная звезда возсияла еси, мати блаженная Матроно, во дни лихолетия во отечествии нашем, яко новая исповедница, иго Христово дерзновенно и безбоязненно чрез все житие пронесла еси, и благодатию Божиею укрепляема, подавала еси недоумевающим вразумление, страждующим ослабу, больным исцеление, благодарственно зовущим Богу: Аллилуиа.

Икос №5

Видевше мнози российстии людие чудеса и исцеления, Божиею благодатию от тебе подаваемая: хромым – хождение, разслабленным и на одре лежащим – исцеление, беснующимся – духов злобы отгнание, устремишася к тебе, мати, яко к источнику неисчерпаемому, от негоже испивше обильно, умиленным сердцем возопиша ти таковая:

Радуйся, на путь правый от младенчества призванная.

Радуйся, праведнице, от Бога нам дарованная.

Радуйся, целительнице, недуги наша исцеляющая.

Радуйся, в нуждах наших скоро помогающая.

Радуйся, душеполезными советы нас вразумляющая.

Радуйся, недоумения наша скоро разрешающая.

Радуйся, духи нечистыя от человек отгоняющая.

Радуйся, от всякаго зла молитвою твоею ограждающая.

Радуйся, праведная мати Матроно, теплая о нас к Богу молитвеннице.

Кондак №6

Провозвестник святости и праведности жития твоего, блаженная мати, явися святый и праведный отец Иоанн Кронштадтский, егда узре тя во храме и наименова тя свою преемницу таже и осмый столп России. Вси же, слышавше сие, прославиша Господа, возглашающе Ему песнь: Аллилуиа.

Икос №6

Возсия молитвами твоими, мати Матроно, свет благодати Божия в сердцах, неведущих Бога и грехми многими прогневляющих Его. Тии же, видяще чудеса, тобою совершаемая, обращахуся ко Господу, ублажающе тя сице:

Радуйся, подвиги твоими Бога прославляющая.

Радуйся, славу Божию нам являющая.

Радуйся, неверныя на путь правый наставляющая.

Радуйся, грехми оскверненныя молитвами твоими очищающая.

Радуйся, к покаянию нас призывающая.

Радуйся, за вся благодарити Господа нас вразумляющая.

Радуйся, храм Божий любити нас научающая.

Радуйся, во ограду церковную расточенныя овцы собирающая.

Радуйся, праведная мати Матроно, теплая о нас к Богу молитвеннице.

Кондак №7

Хотящи Пресвятую Владычицу нашу Богородицу достойно ублажити, мати Матроно, повелела еси людем написати всечестный образ Ея, «Взыскание погибших» именуемый, и в храме Божием веси твоея водворити, да вси взирающе на светлый лик Пречистыя, со умилением восхвалят Ю, Господу же возопиют: Аллилуиа.

Икос №7

Новую тя заступницу, молитвенницу и ходатаицу к Богу дарова Господь в годину тяжкую людем русским, мнози бо отпадаху от Святыя Церкве, ты же, мати, маловерныя и заблуждшия наставляла еси словом и делом, являющи дивная чудеса Божия. Темже воспеваем ти сице:

Радуйся, страны нашея Русския неусыпная печальнице.

Радуйся, спасения нашего ходатаице.

Радуйся, Бога, Судии праведнаго, умилостивительнице.

Радуйся, недужных и обидимых покровительнице.

Радуйся, немощных и безнадежных помощнице.

Радуйся, противу духов злобы непрестанная воительнице.

Радуйся, яко трепещут тя князи бесовстии.

Радуйся, яко радуются о тебе Ангелы и человецы.

Радуйся, праведная мати Матроно, теплая о нас к Богу молитвеннице.

Кондак №8

Странно маловерным и неразумным бысть, како слепорожденная видети и ведети может не точию настоящая, но и будущая, не ведяху бо силы Божия, в немощи человечестей совершаемыя. Мы же, блаженная мати, премудрость Божию, в тебе явленную зряще, вопием Богу: Аллилуиа.

Икос №8

Всяческия досаждения и обиды, изгнания и укорения претерпела еси, блаженная мати, не сетующи о сем, но за вся благодарящи Бога. Сим же и нас научаеши терпеливно нести крест свой, тебе же благохвалити тако:

Радуйся, в молитве непрестанно пребывавшая.

Радуйся, духов злобы постом и молитвою отгнавшая.

Радуйся, мир благодатный стяжавшая.

Радуйся, любовию твоею многия окрест тебе спасавшая.

Радуйся, житием твоим изрядно людем послужившая.

Радуйся, и по кончине твоей людем непрестанно помогающая.

Радуйся, и ныне нашим прошением тепле внимающая.

Радуйся, уповающих на помощь твою не оставляющая.

Радуйся, праведная мати Матроно, теплая о нас к Богу молитвеннице.

Кондак №9

Всякия скорби и болезни аще и претерпела еси, мати Матроно, непрестанно ведущи брань с силами тьмы, обличающи козни и коварства их, и изгоняющи бесы от одержимых, обаче до кончины дний твоих помогала еси страждующим, недугующим и скорбящим, присно поющи Богу: Аллилуиа.

Икос №9

Ветии многовещаннии не возмогут достойно прославити святое житие твое и чудеса, силою Божиею тобою творимая, предивная старице. Мы же, хотяще псаломски хвалити Бога во святых Его и подвизаемии сердечною любовию, дерзаем пети ти таковая:

Радуйся, узкий путь и тесная врата избравшая.

Радуйся, добродетельми многими просиявшая.

Радуйся, вся тленная в житии твоем отвергшая.

Радуйся, смирением, яко венцем драгим, украшенная.

Радуйся, евангельски, яко птица небесная, на земли пожившая.

Радуйся, Сыну Божию, не имевшему где главу подклонити, последовавшая.

Радуйся, ныне во обителех райских веселящаяся.

Радуйся, и нас, грешных, молящихся тебе, милостию твоею не оставляющая.

Радуйся, праведная мати Матроно, теплая о нас к Богу молитвеннице.

Кондак №10

Спасти хотящи многия люди от страданий телесных и душевных недуг, всенощно пребывала еси, праведнице Божия, в молитве, просящи им помощи и укрепления от Господа нашего Иисуса Христа, поющи Ему: Аллилуиа.

Икос №10

Стена и покров была еси во дни жития твоего, блаженная мати, всем к тебе прибегающим, и по смерти не престаеши ходатайствовати пред Богом о людех, с верою притекающих ко гробу твоему. Темже убо, услыши ныне и нас, грешных, скорбьми, болезньми и многими печальми одержимых и потщися на помощь твоими молитвами, всем, к тебе вопиющим:

Радуйся, обидимых скорая предстательнице.

Радуйся, терпящих лишения утешительнице.

Радуйся, честнаго супружества охранение.

Радуйся, всех во вражде сущих умирение.

Радуйся, неправо на суд влекомых защитительнице.

Радуйся, и о виновных пред судом земным к Богу милостивая ходатаице.

Радуйся, лишившихся крова пристанище.

Радуйся, всех к тебе взывающих заступнице.

Радуйся, праведная мати Матроно, теплая о нас к Богу молитвеннице.

Кондак №11

Пение ангельское слышала еси, мати честная Матроно, еще на земли живущи. Научи и нас, недостойных, како подобает славити Бога, в Троице почитаемаго, Отца и Сына и Святаго Духа, Емуже непрестанно воинства небесная велегласно воспевают: Аллилуиа.

Икос №11

Светозарным светом сияет житие твое, блаженная Матроно, освещая мрак многосуетнаго мира сего, и влечет к себе души наша: яко да и мы лучею благодати Божия озаримся, и скорбный путь привременныя жизни богоугодно пройдем, и Царствия Божия достигнем, идеже ты, мати, ныне вселилася еси, слышащи глас наш, тебе зовущих:

Радуйся, свеще Божия присногорящая.

Радуйся, бисере честный, блистанием святыни твоея нас озаряющий.

Радуйся, цвете благовонный, Духом Святым нас облагоухающий.

Радуйся, каменю веры, малодушныя в благочестии утверждающий.

Радуйся, звездо пресветлая, правый путь нам указующая.

Радуйся, добрая воительнице Христова, мечем молитвы демонския полки устрашающая.

Радуйся, яко все житие твое свято и непорочно.

Радуйся, яко и смерть твоя пред Господем честна.

Радуйся, праведная мати Матроно, теплая о нас к Богу молитвеннице.

Кондак №12

Благодать Божию обильно еще от пелен восприяла еси, мати блаженная, яже выну пребысть с тобою во вся дни жизни. Веруем несумненно, яко и по успении твоем благодать сия пребогатно пребывает с тобою. Сего ради припадающе молимся: не лиши и нас, еще странствующих на земли, помощи твоея и заступления, просящи Господа помиловати всех, поющих Ему: Аллилуиа.

Икос №12

Поюще многая и дивная твоя чудеса, мати Матроно, восхваляем Бога, даровавшаго граду Москве и отечеству нашему во дни безбожия и гонения тя, непоколебимый столп благочестия и веры. Ныне же, блаженная мати, благодарным сердцем воспеваем ти сице:

Радуйся, мир Христов в душе твоей стяжавшая.

Радуйся, сего ради многая люди окрест тебе к Богу приведшая.

Радуйся, в немощнем теле сущи, силу Божия благодати показавшая.

Радуйся, во обретении честных мощей твоих Божию милость нам явившая.

Радуйся, сонма святых Московских изрядное процветение.

Радуйся, града Москвы преславное украшение.

Радуйся, отечества нашего присная пред Богом печальнице.

Радуйся, к покаянию и молитве о земли русстей всех призывающая.

Радуйся, праведная мати Матроно, теплая о нас к Богу молитвеннице.

Кондак №13

О блаженная мати, услыши ныне воспеваемое тебе хвалебное пение и испроси нам у Господа Иисуса Христа грехов оставление, христианския мирныя кончины и добраго ответа на Страшнем судищи Его, да и мы с тобою сподобимся в селениих райских славити Святую Троицу, вопиюще: Аллилуиа.

 

\Этот кондак читается трижды, затем икос 1 и кондак 1\

ВЫСКАЖИ СВОЕ МНЕНИЕ

Ваш email не будет показан.

ПОДПИШИТЕСЬ

Бесплатный журнал Управление Судьбой - самое лучшее на вашей почте

 

Читайте в нашем журнале - Истории из Жизни, секреты саморазвития, как исполнить желания, занимательно о необычном и статьи о Судьбе!

You have Successfully Subscribed!